Að vera, eða vera ekki með nafla?

Þegar ég var yngri, þá var ein stúlka á vinnustað sem ég vann á sem var eitt sinn fjarverandi í einn eða tvo daga, útaf fegrunaraðgerð þar sem verið var að "gera" nafla á hana.

Mér skyldist síðar meir að eitthvað hafði komið uppá við fæðingu hennar og ekki hefði myndast þessi "hefðbundni" nafli eins og er á krökkum svona alla jafnan. Eflaust eru læknisfræðileg rök á bakvið þetta nafnaleysi hjá tékkneska stelpugreyinu.

Kynþokkafyllsta konan naflalaus

Kaldhæðni örlaganna.

Mikið væri kaldhæðnislegt ef að ,,aðgerðir'' Browns yrði til þess valdandi að breska bankakerfið legðist á hliðina. Ef aðgerðir skyldu kallast, minnir ekki betur en að aðgerðir
skilgreinist sem *skipuagt*, hjal Browns er í mesta lagi tætingsleg
örvæntingarfull tilraun til að beina sjónum umheimsins og breskra
ríkisborgara frá efnahagi Breta. Þá hefði þetta heldur betur snúist í höndum hans. Eins illa sagt og það er, þá nánast myndi hlakka í mér yfir þessu. Þó er ég nokkuð viss um að ef bankarnir þar færu á hliðina, yrði það eins og olía á eldinn í þessari heimskreppu sem flestir virðast vera að berjast við þessa dagana.

Bankaáhlaup af hálfu bresku sveitarfélaganna?

Mr. Brown veður aurinn...

Mér sýnist á öllu, að Herra Brown sé einvörðungu að reyna að fela hve miklum aur ríkisstjórn hans er uppfull af. Efnahagsástand heima fyrir er ekki sem best, og er ágætt fyrir þá að finna sér blóraböggul, eins og margir hafa haldið fram. En hverju á maður svosem að trúa? Ríkistjórnin lýgur sig langa, sama með þrjá (fyrrverandi) stærstu bankana... Sjálfsagt restin af öllu? 

Restin af blogginu er ekki beintengd fréttinni, en tengist þó þessu málefni, þið sem hafið ekki áhuga á að lesa það, er bent á að hætta núna.

Ekki þar fyrir, að seðlabankastjóri er genginn af göflunum og ætti að loka inni fyrir sín ummæli, enda er hann búinn að afreka að setja 3 banka gjörsamlega á hausinn núna, í góðu samstarfi við Baug, Björgólfsfeðga og þá frábæru og hæfu ríkisstjórn sem við höfum, hverjum öðrum dettur í hug að setja smið í bakarí og láta baka kökur... Get ekki betur séð en að hann baki eintóm vandræði!

Eitt enn, sem mætti minnast á, að það hefur lítið verið að marka orð bankastjóranna og ríkisstjórnarinnar. Hvernig ætlast fólk til þess að maður trúi orði sem þessir vitleysingar segja?

Mér þykir ástandið hér heima afar dularfullt, ríkisstjórnin vill engan hengja, en meðan allir þeir sem klúðra sem mest fá að hanga í sínum stöðum óáreittir, er ríkisstjórnin rúin öllu trausti! Þetta veit fólk og almenningur á eftir að fá nóg, ef hann hefur ekki gert það nú þegar.  Ég myndi vilja sjá opinbera rannsókn TAFARLAUST! Að henni verði fylgt eftir með hörku. Án þess að nokkur sé sakfelldur fyrir alvarleg mistök og stjórnun sem jaðrar við mikilmennskubrjálæði (eða jaðrar ekkert við, heldur hreinlega er!) verður þetta í ruglinu.

Ég minntist á við vinnufélagana nokkrum dögum áður en Landsbankinn fór á hausinn að hann væri á leið þangað, þrátt fyrir "góða eignarfjársstöðu" og bla bla bla... En Glitnir fór, þar með lánstraust bankanna, og þar með fór Landsbankinn. Næstur var náttúrulega Kaupþing, og hvað næst? SPRON? Ísland? Ef við tökum ekki þetta lán fer  Ísland sjálfsagt í þrot. Ég held ég flýji land um svipað leiti, á baðkari, þar sem allar samgöngur verða hvort eð er orðnar löngu síðan stopp.

Væri ekki bara ágætt að fá rússa til að taka yfir Ísland? Pútín virðist amk hafa meiri hemil á þessum helsvítans óreiðumönnum og heimskum pólítíkusum...

Ég veit ekki með ykkur, en ég er orðinn langþreyttur á óvissunni og ruglinu sem er í gangi hér á landi.

Fjármunir færðir til bresks útibús

Vantar ekki myndina?

Merkilegt uppátæki, en eins og oft áður, þykir mér vanta lykilatriðið í fréttinni, nefninlega myndina.

 Hér með er bætt úr því. (fyrir ykkur sem brjáluðust ekki á google og funduð þetta á 3,8 sekúndum)

 Tekið af vefnum http://blog.iphonegirl.net/

Dularfulla „iPhone-stúlkan“ heldur vinnunni